Peres Lopeteqini “Viktoriya” ilə oyundan sonra istefaya göndərmək istəyib
Bakı, 25 oktyabr, AZƏRTAC
“Real” futbol klubunun prezidenti Florentino Peres baş məşqçi Xulen Lopeteqini Çempionlar Liqasının qrup mərhələsinin üçüncü turu çərçivəsində “Viktoriya” ilə (2:1) oyundan sonra istefaya göndərmək istəsə də, sonradan fikrini dəyişib.
AZƏRTAC footballhd.ru saytına istinadən xəbər verir ki, komandanın “Viktoriya” ilə oyununa görə, məyus olan Peres qazanılmış qələbəyə baxmayaraq Lopeteqeni vəzifəsindən azad etməyə hazırlaşıb. Amma klubun idman direktoru Xose Anxel Sançes Peresi baş məşqçini İspaniya çempionatının 10-cu turunda “Barselona” ilə oyunadək saxlamağa razı sala bilib. İdman direktoru bu müddətdə ona əvəzləyici tapa biləcəklərini düşünür.
Gələn mövsümdə isə “Real”ın baş məşqçisi Joze Mourinyu və ya Antonio Konte ola bilər.
Bölmənin digər xəbərləri
