PERM DİYARINDA KÜTLƏVİ ZƏHƏRLƏNMƏ
AZƏRTAC “Novosti” agentliyinə istinadla xəbər verir ki, oktyabrın 12-də Rusiyanın Fövqəladə Hallar Nazirliyinin Volqaboyu-Ural Regional Mərkəzinin mətbuat xidmətindən bildirmişlər ki, Perm diyarında zəhərli hepatitə yoluxduğu güman edilib xəstəxanalara qoyulanların sayı 40 nəfərə çatmış, onlardan ikisi vəfat etmişdir. FHN nümayəndəsi demişdir ki, Kunqur şəhərində zəhərli hepatitə yoluxduğu güman edilən 31 nəfər xəstəxanalara qoyulmuşdur.
Onun sözlərinə görə, bu vəziyyət fövqəladə hadisələr dərəcəsinə aid edilmişdir. Yoxlama göstərmişdir ki, fövqəladə hadisəyə səbəb xəstələrin saxta alkoqolla zəhərlənməsi olmuşdur. Xəstələr tərkibində spirt olan naməlum mənşəli məişət kimyası vasitələrindən istifadə etmişlər”.
