Pikasso hərracda əsərləri ən çox satılan rəssamdır
Bakı, 7 aprel, AZƏRTAC
Pablo Pikassonun ölümündən 50 il sonra onun incəsənət əsərlərinə hələ də böyük dəyər verilir, rəssamın özü isə əvvəlki kimi ən populyar fırça ustalarından biri olaraq qalmaqdadır.
AZƏRTAC “The Economic Times” nəşrinə istinadla xəbər verir ki, “Agence France-Presse”in hesablamalarına görə, ispan rəssamın 5 əsəri 100 milyon dollardan, 16-sı - 50 milyon dollardan və 39-u - 30 milyon dollardan yuxarı qiymətə satılıb. Pikassonun ən iri hərrac nailiyyəti 1955-ci ildə çəkilmiş “Əlcəzairli qadınlar” (“O” seriyası) adlı rəsm olub.
Son 20 il ərzində Pikassonun digər iki əsəri - “Qəlyanlı oğlan” və “Çılpaq qadın, yaşıl yarpaqlar və büst” rəsmləri bir rəssamın hərracda satılan incəsənət əsərlərinin sayına görə rekord qazanıb. Orta hesabla hər il hərraclarda fırça ustasının 3 minə yaxın əsəri satılır.
Qeyd edək ki, kubizmin banisi sayılan Pablo Pikasso dünyada ən bahalı rəssamdır. O, həmçinin heykəltaraş, qrafik, dizayner, keramikaçı-rəssam və teatr tərtibatçısıdır.
Bölmənin digər xəbərləri
