“Pirelli” Formula 1 Azərbaycan Qran-Prisində istifadə ediləcək şinlərin tərkibini açıqlayıb
Bakı, 22 fevral, AZƏRTAC
“Pirelli” şirkəti iyunun 5-dən 7-dək Formula 1 yarışmasının səkkizinci mərhələsi olacaq Azərbaycan Qran-Prisində istifadə ediləcək şinlərin tərkibini açıqlayıb.
AZƏRTAC “F1News.ru”ya istinadla xəbər verir ki, italiyalı şin istehsalçıları Bakıya “C-2” (sərt), “C-3” (orta) və “C-4” (yumşaq) şinlərini gətirəcəklər.
Komandaların “C-2” və “C-3” şinlərindən istifadə etməsi məcburidir. Onlar ən azı hərəyə bir dəst sifariş verməli və yarışmada heç olmasa birindən istifadə etməlidirlər.
Bölmənin digər xəbərləri
