Polşa Prezidenti: Ukraynadan gələn qaçqınların sayı artır
Varşava, 13 dekabr, AZƏRTAC
Ukraynadan Polşaya keçən qaçqınların sayı artır və hazırda onların sayı üç milyona yaxındır.
AZƏRTAC xəbər verir ki, bu barədə Polşa Prezidenti Almaniyaya səfəri zamanı deyib. O bildirib ki, Polşaya gələn qaçqınların sayının artması Almaniyada da artımın baş verməsi deməkdir. Alman həmkarı Frank-Valter Ştaynmayer ilə görüşən A.Duda mətbuat açıqlamasında əlavə edib ki, hər iki ölkə müharibədən qaçanlara kömək üçün Aİ-də xüsusi maliyyə dəstəyi istəməlidir.
Dövlət başçısının sözlərinə görə, müharibə gedişatında müşahidə olunan taktika hazırda hücumların Ukraynanın kritik infrastrukturunu hədəfə aldığını və bununla da insanları evlərini qızdırmaq, elektrik enerjisindən istifadə etməkdən məhrum etməkdən ibarətdir. Bu isə şaxta, ölüm və raketlərdən sərhədin bu üzünə pənah gətirən insanların sayını artırır.
A.Duda, həmçinin bildirib ki, onun ölkəsi Ukraynadan ən çox qaçqın qəbul etməklə yanaşı, bu ölkəyə hərbi dəstək də göstərir və bu dəstəyin həcmi təxminən iki milyard ABŞ dolları dəyərləndirilir.
AZƏRTAC-ın xüsusi müxbiri
Varşava
Bölmənin digər xəbərləri
