Portuqaliya Anqolaya 50 min doza vaksin təqdim edəcək
Lissabon, 15 iyul, AZƏRTAC
Portuqaliya Anqolaya COVID-19 əleyhinə 50 min doza vaksin təqdim edəcək.
AZƏRTAC xəbər verir ki, vaksinlər onların vurulmasını təmin etmək üçün zəruri olan materialla, o cümlədən şpris və iynələrlə birgə təqdim olunacaq.
Portuqaliya hökuməti özündə olan vaksinin azı 5 faizini Afrikanın portuqaldilli ölkələrinə və Timor-Leştiyə təqdim etmək öhdəliyi götürüb.
Vaksin dozaları artıq Kabo-Verdeyə, Qvineya-Bisauya, Mozambikə, San-Tome və Prinsipiyə göndərilib.
Gələn həftə Portuqaliya Timor-Leştiyə 12 min vaksindən ibarət ilk partiyanı yola salacaq.
COVID-19 pandemiyası başlanandan bəri Anqolada bu xəstəliyə 40.327 yoluxma halı və 951 ölüm faktı qeydə alınıb.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
