Premyer Liqa: Bu gün XXIX tura yekun vurulacaq
Bakı, 7 aprel, AZƏRTAC
Bu gün futbol üzrə Misli Premyer Liqasında XXIX tura yekun vurulacaq.
AZƏRTAC xəbər verir ki, ilk olaraq meydana “Şamaxı” və “Neftçi” komandaları çıxacaqlar. Şamaxı şəhər stadionunda keçiriləcək görüş saat 15:30-da başlayacaq.
İkinci matçda isə “Sumqayıt” “Araz-Naxçıvan”nın qonağı olacaq. Liv Bona Dea Arenada təşkil olunacaq qarşılaşma saat 18:00-da start götürəcək.
Hazırda Naxçıvan klubu 48 xalla 3-cü, “ağ-qaralar” 32 xalla 6-cı, “kimyaçılar” 29 xalla 29-cu, bölgə təmsilçisi isə 28 xalla 8-ci pillədə qərarlaşıb.
Qeyd edək ki, turun daha əvvəl keçirilmiş oyunlarında "Kəpəz" "Sabah"a, "Qarabağ" "Zirə"yə 1:0 hesabı ilə qalib gəlib. "Səbail" - "Turan Tovuz" görüşündə isə qapılara qol vurulmayıb.
Bölmənin digər xəbərləri
