Premyer Liqa: “Kəpəz” autsayderə məğlub olub
Bakı, 10 aprel, AZƏRTAC
Futbol üzrə Azərbaycan Premyer Liqasında XXVII tura bir oyunla start verilib.
AZƏRTAC xəbər verir ki, günün yeganə matçı Yevlaxda keçirilib. “Kəpəz” çempionatın autsayderi “Karvan-Yevlax”ın qonağı olub. Qarşılaşma meydan sahiblərinin 4:1 hesablı qələbəsi ilə yekunlaşıb.
Turnir cədvəlində Gəncə təmsilçisi 21 xalla 10-cu, Yevlax klubu isə 11 xalla sonuncu – 12-ci pillədə yer alıb.
Qeyd edək ki, XXVII turun digər oyunları aprelin 11-12-də keçiriləcək.
Bölmənin digər xəbərləri
