Prezident İlham Əliyev Çin Xalq Respublikasının Sədri Si Cinpinə başsağlığı verib
Bakı, 23 iyul, AZƏRTAC
Azərbaycan Prezidenti İlham Əliyev Çin Xalq Respublikasının Sədri Si Cinpinə
başsağlığı teleqramı göndərib.
AZƏRTAC xəbər verir ki, dövlətimizin başçısı Henan əyalətində baş vermiş güclü daşqın nəticəsində çoxsaylı insan tələfatı və dağıntılar barədə xəbərdən son dərəcə kədərləndiyini ifadə edib.
Prezident İlham Əliyev bu faciə ilə əlaqədar Si Cinpinə, həlak olanların ailələrinə və yaxınlarına, dost Çin xalqına öz adından və Azərbaycan xalqı adından dərin hüznlə başsağlığı verib, yaralananlara şəfa diləyib, təbii fəlakətin nəticələrinin tezliklə aradan qaldırılmasını arzuladığını bildirib.
Qeyd edək ki, son məlumata görə, Çinin Henan vilayətində güclü yağışların doğurduğu fəsadlar nəticəsində 51 nəfər həlak olub.
Bölmənin digər xəbərləri
