PSJ ardıcıl 4-cü dəfə Fransa çempionu olub
Bakı, 5 aprel, AZƏRTAC
PSJ ardıcıl dördüncü dəfə Fransa Liqa 1-in qalibi olub.
AZƏRTAC xəbər verir ki, XXVIII turda öz meydanında "Anje"ni 1:0 hesabı ilə üstələyən Paris klubu çempionluğunu rəsmiləşdirib.
Luis Enrikenin baş məşqçisi olduğu komanda bu qələbə ilə xallarını 74-ə çatdıraraq, vaxtından əvvəl qızıl medalları təmin edib. Paytaxt təmsilçisi mövsümün sonuna 6 tur qalmış ən yaxın izləyicisi "Monako"nu 24 xal qabaqlayır.
Qeyd edək ki, bu, PSJ-nin ümumilikdə 12-ci Fransa çempionluğudur.
Bölmənin digər xəbərləri
