QADINLARIN BEYNƏLXALQ ŞAHMAT TURNİRİNDƏ A.STEFANOVA YEGANƏ LİDERDİR
AZƏRTAC xəbər verir ki, Bakıda qadınlar arasında 2-ci beynəlxalq şahmat turnirinin sentyabrın 10-da 7-ci turunun oyunları keçiriləcəkdir.
Bu turda P.Kramlinq (İsveç)-L.Cavaxişvili (Gürcüstan), F.Vəlixanlı (Azərbaycan)-V.Çmilite (Litva), M.Soçko (Polşa)-A.Stefanova (Bolqarıstan), İ.Qədimova (Azərbaycan)-S.Milliyet (Fransa), K.Laxno (Ukrayna)-N.Umudova (Azərbaycan) qarşılaşacaqlar.
Xatırladaq ki, 6 turun nəticələrinə görə, A. Stefanova 5 xalla turnir cədvəlinə başçılıq edir.
M.Soçko 4 xal toplayaraq ikinci pillədə qərarlaşmışdır. L.Cavaxişvili və P. Kramlinq 4 xalla 3-4-cü yerləri bölüşürlər.
V.Çmilite və K.Laxno hərəyə 3, F.Vəlixanlı 2,5, S.Milliyet 2, N.Umudova 1,5, İ.Qədimova 0,5 xalla sonrakı yerləri tuturlar.
Bölmənin digər xəbərləri
