QALMAZ DƏRİN QAZMA EKSPEDİSİYASI BU İL DAHA DÖRD QUYU QAZIB TƏHVİL VERƏCƏKDİR
Qalmaz Dərin Qazma Ekspedisiyasının briqadaları iki neft quyusunu eyni vaxtda qazırlar.
Ekspedisiyadan AZƏRTAC-ın müxbirinə bildirmişlər ki, Bibiheybət və Əli Əmirov adına neft-qazçıxarma idarələrinin sifarişi ilə qazılan həmin quyuların ümumi dərinliyi 6 min metr olacaqdır. İndiyədək quyuların birində 1000 metr, o birində isə 350 metr qazma işi görülmüşdür və cədvəl üzrə bu, normal sürətdir.
İlin sonunadək hər iki quyu neftçilərin istifadəsinə veriləcəkdir. İlkin hesablamalara görə, quyuların gündəlik hasilatı 4-8 tondan artıq olacaqdır.
Qazmaçılar Əli Əmirov adına və Bibiheybət neft-qazçıxarma idarələrinin sifarişi ilə ümümi dərinliyi 6 min metr olan daha iki quyu qazıb təhvil verəcəklər.
Bölmənin digər xəbərləri
