Qanıx çayının Cəlayir məntəqəsində suyun səviyyəsi 13 santimetr artıb
Bakı, 17 sentyabr, AZƏRTAC
Sentyabrın 17-də Böyük Qafqazın ərazisindən axan Qusarçayın Kuzun, Vəlvələçayın Təngəaltı və Kiçik Qafqazın ərazisindən axan Kürəkçayın Çaykənd, Şəmkirçayın Qalakənd məntəqələrində suyun səviyyəsində dəyişiklik qeydə alınmayıb. Gəncəçayın Zurnabad, Zəyəmçayın Ağbaşlar, o cümlədən Lənkəran-Astara bölgəsindən axan Lənkərançayın Sifidor, Viləşçayın Şıxlar məntəqələrində 1, Təngərüdçayın Vaqoda məntəqəsində isə 2 santimetr azalma müşahidə olunub.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində dəyişiklik qeydə alınmayıb. Hazırda məntəqədə su sərfi 125 kubmetr/saniyə təşkil edir ki, bu da ongünlük normanın 90 faizinə bərabərdir. Hazırda sululuq keçən illə müqayisədə 11 faiz çoxdur.
Qanıx çayının Cəlayir məntəqəsində suyun səviyyəsində 13 santimetr artım müşahidə olunub. Hazırda məntəqədə su sərfi saniyədə 33 kubmetrə bərabərdir. Bu da ongünlük normanın 36 faizini təşkil edir. Hazırda sululuq keçən illə müqayisədə 2,2 dəfə çoxdur.
Kür çayının Surra məntəqəsində suyun səviyyəsi 2 santimetr azalıb. Hazırda məntəqədə su sərfi 143 kubmetr/saniyə təşkil edir. Bu da ongünlük normanın 37 faizinə bərabərdir. Hazırda sululuq keçən illə müqayisədə 83 faiz çoxdur.
Kür çayının Şirvan məntəqəsində suyun səviyyəsi 4 santimetr azalaraq 189 santimetr olub.
Kür çayının Bankə məntəqəsində suyun səviyyəsi 11 santimetr azalaraq 112 santimetr, su sərfi isə 43,6 kubmetr/saniyə təşkil edib.
Bölmənin digər xəbərləri
