Qanıx çayının Cəlayir məntəqəsində suyun səviyyəsində 19 santimetr azalma müşahidə olunub
Bakı, 10 sentyabr, AZƏRTAC
Sentyabrın 10-da Lənkəran-Astara bölgəsindən axan Təngərüdçayın Vaqo məntəqəsində suyun səviyyəsi 3, Lənkərançayın Sifidor məntəqəsində 1 santimetr artıb. Viləşçayın Şıxlar, o cümlədən Kiçik Qafqazın ərazisindən axan Kürəkçayın Çaykənd, Gəncəçayın Zurnabad, Şəmkirçayın Qalakənd məntəqələrində suyun səviyyəsində dəyişiklik qeydə alınmayıb. Zəyəmçayın Ağbaşlar və Böyük Qafqazın ərazisindən axan Vəlvələçayın Təngəaltı məntəqələrində suyun səviyyəsi 1 santimetr azalıb, Qusarçayın Kuzun məntəqəsində isə suyun səviyyəsində dəyişiklik müşahidə olunmayıb.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində 6 santimetr artım qeydə alınıb. Hazırda məntəqədə su sərfi 147 kubmetr/saniyə təşkil edir. Bu da ongünlük normadan 20 faiz çoxdur. Hazırda sululuq keçən il ilə müqayisədə 1,4 dəfə çoxdur.
Qanıx çayının Cəlayir məntəqəsində suyun səviyyəsində 19 santimetr azalma müşahidə olunub. Hazırda məntəqədə su sərfi saniyədə 41,5 kubmetr təşkil edir. Bu da ongünlük normadan 43 faiz azdır. Hazırda sululuq keçən il ilə müqayisədə 8 faiz azdır.
Kür çayının Surra məntəqəsində suyun səviyyəsi dəyişməyərək 408 santimetr, su sərfi isə saniyədə 163 kubmetr təşkil edib, Şirvan məntəqəsində suyun səviyyəsi 6 santimetr artaraq 197 santimetr olub, Bankə məntəqəsində suyun səviyyəsi 4 santimetr artaraq 111 santimetrə, su sərfi isə 42,4 kubmetr/saniyəyə bərabər olub.
Bölmənin digər xəbərləri
