QARABAĞ ƏLİLLƏRİNƏ FƏRDİ EVLƏR VERİLMİŞDİR
Dünya azərbaycanlılarının həmrəyliyi günü və Yeni il ərəfəsində Qarabağ müharibəsi əlillərinə - Lənkəran şəhərinin sakini Rahim Nəhmətova, Şəmkir rayonunun Könüllü kəndində yaşayan Famil Əliyevə və Qoşqar Hüseynova hər cür şəraiti, həyətyanı torpaq sahəsi olan fərdi evlər verilmişdir.
Əmək və Əhalinin Sosial Müdafiəsi Nazirliyindən AZƏRTAC-a bildirmişlər ki, bu evlər məcburi dövlət sosial sığorta vəsaiti hesabına tikilmişdir.
Qarabağ müharibəsi əlillərinin mənzil şəraitini yaxşılaşdırmaq üçün bu il 1 milyard 200 milyon manat vəsait xərclənmiş, Bakının Yasamal, Binəqədi, Suraxanı, Xətai rayonlarında, habelə Sumqayıt və Gəncə şəhərlərində, Abşeron rayonunun Xırdalan qəsəbəsində çoxmərtəbəli yaşayış binaları istifadəyə verilmişdir. Yaxın günlərdə Sabunçu rayonunda və Şəki şəhərində çoxmərtəbəli yeni evlər də sakinlərini qəbul edəcəkdir.
Ümumiyyətlə, indiyədək 560-dan çox Qarabağ müharibəsi əlili və şəhid ailəsi mənzillə təmin edilmişdir.
Bölmənin digər xəbərləri
