QARABAĞ MÜHARİBƏSİ ƏLİLİNƏ YENİ EV VERİLMİŞDİR
Ramin Pənahov bu münasibətlə keçirilən mərasimdə çıxış edərək, onun və ailə üzvlərinin daim dövlət qayğısı ilə əhatə olunduğunu, müalicə üçün dəfələrlə müxtəlif sanatoriyalara göndərildiyini, “OKA” markalı minik avtobili ilə təmin edildiyini bildirmiş və yüksək dövlət qayğısına görə ölkəmizin başçısına hədsiz minnətdarlığını bildirmişdir.
Naxçıvan Muxtar Respublikası Ali Məclisinin sədri Vasif Talıbov 1992-ci ildə Qarabağ uğrunda gedən döyüşlərdə Ramin Pənahovun göstərdiyi igidliklərdən, bu döyüşlərdə aldığı yaralardan söhbət açmış, doğma torpağımızın azadlığı yolunda vuruşan mərd oğullarımıza hər cür yardım göstərməyin vacibliyini vurğulamışdır.
Sonra Ali Məclisin sədri evin açarını Ramin Pənahova təqdim etmişdir.
Dövlət vəsaiti hesabına inşa olunan fərdi ev mebel və digər avadanlıqla təchiz olunmuş, ailəyə rəngli televizor hədiyyə edilmişdir.
