“Qarabağ”ın futbolçusu ilk dəfə Kolumbiya millisinə çağırılıb
Bakı, 10 mart, AZƏRTAC
“Qarabağ”ın futbolçusu Kamilo Duran Kolumbiya millisinə çağırılıb.
Ağdam klubundan AZƏRTAC-a verilən məlumata görə, 24 yaşlı hücumameyilli yarımmüdafiəçi martda keçiriləcək yoldaşlıq görüşləri üçün yığmaya dəvət olunub.
İndiyədək milli komandaya dəvət almayan vinger “Qarabağ”ın heyətində bumövsümkü çıxışından sonra məşqçilər heyətinin diqqətini cəlb edib. Onun yer aldığı komanda martın 26-da Xorvatiya, üç gün sonra Fransa ilə qarşılaşacaq. Hər iki görüş ABŞ-nin Orlando şəhərində baş tutacaq.
Qeyd edək ki, Kamilo Duran 2025-ci ilin avqustunda “Qarabağ”a keçib.
Bölmənin digər xəbərləri
