QAX DÖVLƏT KUKLA TEATRI 15-Cİ MÖVSÜMÜNÜ AÇDI

27.09.2006 [11:10]
Çap et
A⁺ A^-

Qax Dövlət Kukla Teatrının yaradıcı kollektivi 15-ci yubiley mövsümünün açılış günündə balaca pərəstişkarlarını Hilal Həsənovun “Üç keçi balası və canavar” nağıl-tamaşası ilə sevindirmişdir. Beş pərdə və dörd şəkildən ibarət tamaşanın quruluşçu rejissoru və musiqi tərtibatçısı Yusif Əbdürrəhmanov, tərtibatçı rəssamı isə Əmrah Məmmədovdur. Tamaşada əsas rolları aktyorlardan Azər Kərimov, Araz Mehrablı, Vüsal Əzizov və Afət Yaqubova ifa edirlər.

Teatrın direktoru Nazim Mahmudov AZƏRTAC-ın müxbirinə bildirmişdir ki, hazırda yaradıcı kollektiv Rəhman Əlizadənin Abdulla Şaiqin “Tülkü həccə gedir” nağılı əsasında yazdığı “Tülkünün uçuşu” əsəri üzərində işləyir. Mədəniyyət və Turizm Nazirliyinin sifarişi əsasında hazırlanan bu səhnə əsərinin quruluşçu rejissoru isə İsako Zeynalaşvilidir. Tamaşa balacaların görüşünə bu ilin dekabrında gələcəkdir.

QAX DÖVLƏT KUKLA TEATRI 15-Cİ MÖVSÜMÜNÜ AÇDI

MÜƏLLİFLƏ ƏLAQƏ

Bölmənin digər xəbərləri