Qazaxıstan Rusiyaya hərbi texnika göndərməsi barədə şayiələri təkzib edib
Bakı, 7 aprel, AZƏRTAC
Sosial şəbəkələrdə Qazaxıstanın Rusiyanın Omsk vilayətinə zirehli texnika göndərdiyi barədə yayılan məlumatlar həqiqəti əks etdirmir.
AZƏRTAC xəbər verir ki, bu barədə Qazaxıstan Müdafiə Nazirliyinin bəyanatında deyilir.
Müdafiə Nazirliyinin məlumatına görə, həmin texnikalar təmir üçün ölkənin mərkəzi regionundan şərqinə aparılır. Nazirlik, həmçinin xatırladıb ki, 2022-ci il avqustun 27-də Qazaxıstan silah və hərbi texnikanın ixracına qadağa qoyub.
Bir müddət öncə sosial şəbəkələrdə Qazaxıstanda hərbi texnikanın yerdəyişməsini əks etdirən video yayılıb. Pavlodar yaxınlığında çəkilən videonun alt yazısında onların Omska göndərildiyi yazılıb.
Bölmənin digər xəbərləri
