Qəbələdə 23 hektar sahədə 32 min ağac tingi əkilmişdir
Qəbələ, 7 aprel (AZƏRTAC). Qəbələ rayonunda meşələrin mühafizəsi və bərpası daim diqqət mərkəzində saxlanılır. Rayonun baş meşəbəyisi İlqar Cəlalov AZƏRTAC-a bildirmişdir ki, cari ilin 3 ayında Qəbələnin Bum, Vəndam, Məmmədağalı, Zarağan və Tikanlı kəndlərinin ərazisindəki dövlət meşə fondunun torpaqlarında 23 hektar sahədə mədəni meşə salınmışdır. Həmin əraziyə ümumilikdə 32 min ağac tingi əkilmişdir. Həmçinin, bu müddətdə daha 36 hektar sahə ting əkini üçün hazırlanmış, 0,51 hektar sahədə yeni tinglik salınmışdır. Plana uyğun olaraq, aprelin 20-dək rayonda 55 hektar sahədə mədəni meşənin salınması planlaşdırılır.
Xatırladaq ki, ötən il rayonda 120 hektar sahədə yeni meşə salınmışdır.
Bölmənin digər xəbərləri
