Qəbələdə “Xocalı soyqırımı erməni vandalizmi və vəhşiliyinin nəticəsidir” mövzusunda konfrans keçirilib
Qəbələ, 26 fevral, AZƏRTAC
Qəbələ rayonunda “Xocalı soyqırımı erməni vandalizmi və vəhşiliyinin nəticəsidir” mövzusunda konfrans keçirilib.
AZƏRTAC xəbər verir ki, Heydər Əliyev Mərkəzində keçirilən konfransda 1992-ci ildə ölkədəki vəziyyətdən və fevralın 25-dən 26-na keçən gecə xocalılıların başına gətirilən hadisələrdən danışılıb, Xocalı soyqırımının dünyada tanıdılması istiqamətində aparılan işlərdən bəhs olunub.
Konfransda “Ermənilərin Azərbaycan torpaqlarına köçürülmə siyasəti”, “Xocalı hadisəsinə ilk siyasi qiymətin verilməsi”, “Xocalı tarixin qan yaddaşında”, “Xocalı soyqırımı bəşəriyyətin faciəsidir”, “Xocalı soyqırımına dünyanın laqeydliyi”, “Xocalı gənclərin gözü ilə”, “Xocalı soyqırımını tanıdaq” mövzusunda məruzələr dinlənilib.
Məruzələrdə Xocalı faciəsinin Azərbaycan xalqına qarşı misli görünməmiş vəhşilik olduğu bildirilib, bu dəhşətli qətliamın beynəlxalq aləmdə tanıdılması işinə hər bir azərbaycanlının fəal şəkildə dəstək verməsinin əhəmiyyəti diqqətə çatdırılıb.
Bölmənin digər xəbərləri
