“Qəbələ”nin üç futbolçusu IV İslam Həmrəyliyi Oyunlarında meydana çıxa bilər
Bakı, 2 may, AZƏRTAC
Bakıda keçiriləcək IV İslam Həmrəyliyi Oyunlarında iştirak edəcək 23 yaşadək futbolçulardan ibarət Azərbaycan milli komandasının heyəti açıqlanıb.
AZƏRTAC xəbər verir ki, yığmanın baş məşqçisi Yaşar Vahabzadə “Qəbələ”nin üç futbolçusunu da heyətə daxil edib. Bunlar Rəşad Sadiqov, Tellur Mütəllimov və Elvin Camalovdur.
IV İslam Həmrəyliyi Oyunlarının futbol turniri mayın 8-də start götürəcək. Azərbaycan millisi Kamerun, Səudiyyə Ərəbistanı və Mərakeşlə eyni qrupda mübarizə aparacaq. Komandamız ilk oyun günündə Kamerunla qarşılaşacaq.
Xatırladaq ki, yarışların əsasnaməsinə görə hər komanda yaşı 23-dən yuxarı olan 3 futbolçunun xidmətindən yararlana bilər.
Bölmənin digər xəbərləri
