QƏRBİ AVROPA İTTİFAQI ASSAMBLEYASININ SİYASİ KOMİTƏSİNİN ÜZVLƏRİ BAKIYA GƏLƏCƏKLƏR
AZƏRTAC xəbər verir ki, Qərbi Avropa İttifaqı Assambleyasının Siyasi Komitəsinin üzvləri sentyabrın 14-də Bakıya gələcəklər.
Milli Məclisdən bildirmişlər ki, səfərdən məqsəd “Xəzər dənizi və Avropanın təhlükəsizliyi” mövzusunda məruzə hazırlamaqdır.
Nümayəndə heyətinin tərkibinə İspaniya, Polşa, Almaniya, Çexiya, Belçika və Yunanıstandan nümayəndələr daxildirlər.
Onlar sentyabrın 16-da parlamentdə olacaq, deputatlar, yerli ekspertlər və analitiklərlə dəyirmi masa keçirəcəklər. Tədbirin yekununda Milli Məclisdə mətbuat konfransı da nəzərdə tutulmuşdur.
Assambleya üzvlərinin ölkəmizdə bir sıra görüşləri planlaşdırılmışdır.
Bölmənin digər xəbərləri
