Qeyri-sabit hava şəraiti oktyabrın 19-u səhərədək davam edəcək
Bakı, 17 oktyabr, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Xidmətinin oktyabrın 17-nə olan məlumatına əsasən ölkə ərazisində hava şəraiti qeyri-sabit olub, bəzi yerlərdə şimşək çaxıb, arabir yağış yağıb. Ayrı-ayrı yerlərdə leysan xarakterli, intensiv olub.
Xidmətdən AZƏRTAC-a bildiriblər ki, düşən yağışın miqdarı Zaqatalada 22, Balakən, Qax, Lənkəranda 14, Lerikdə 12, Yardımlıda 10, Şabran, Şəki, Quba, Oğuz, Qrız, Qusar, Qəbələ, Şahdağ, Şəmkir, Göyçay, Altıağac, Ağstafa Yevlax, Kürdəmir, Sabirabad, Ağdərə, Daşkəsən, Göygöl, Qobustan, Xaçmaz, Xaltan, İsmayıllı, Şamaxıda 4 millimetrədək olub.
Ölkə ərazisində müşahidə olunan qeyri-sabit, arabir yağıntılı hava şəraiti oktyabrın 19-u səhərədək davam edəcək. Oktyabrın 19-u gündüz və 20-də havanın sabit, əsasən yağmursuz keçəcəyi gözlənilir. Oktyabrın 18-də gündüz arabir güclənən şimal-qərb küləyi əsəcək.
Bölmənin digər xəbərləri
