Qırğızıstan parlamenti dövlət bayrağına dəyişiklik edilməsini dəstəkləyib
Bakı, 20 dekabr, AZƏRTAC
Qırğızıstan parlamenti dekabrın 20-də keçirilən iclasda dövlət bayrağına dəyişiklik edilməsi ilə bağlı qanun layihəsini qəbul edib.
AZƏRTAC xəbər verir ki, “Dövlət rəmzləri haqqında” qanuna dəyişikliklər müzakirə olunmadan ikinci və üçüncü oxunuşlarda qəbul edilib. Parlamentin 59 deputatı qanun layihəsinin lehinə, 5 deputat isə əleyhinə səs verib.
Qeyd edək ki, dövlət bayrağının elementlərinin dəyişdirilməsi ideyası parlamentin spikeri Nurlanbek Şakiyev və deputat Ulan Primova məxsusdur. Onlar Qırğızıstan bayrağındakı dalğavari şüaları günəş şüalarına açıq şəkildə bənzəyən forma ilə əvəzlənməsini təklif ediblər.
Bölmənin digər xəbərləri
