QIRĞIZISTANDA DÖRD TERRORÇU ÜZƏRİNDƏ MƏHKƏMƏ PROSESİ BAŞLAMIŞDIR

26.02.2004 [17:54]
Çap et
A⁺ A^-

AZƏRTAC-ın xüsusi müxbiri xəbər verir ki, bu terrorçular keçən ilin payızında terror əleyhinə beynəlxalq koalisiyanın Bişkekin Manas hava limanında yerləşən aviabazasında partlayış törətmək niyyətində olmuşlar.

Qırğızıstanın hüquq mühafizə orqanlarının məlumatına görə, müttəhimlərin üçü Qırğızıstan vətəndaşıdır, birinin isə Qazaxıstan vətəndaşlığı vardır. Əfqanıstandakı “Taliban” düşərgələrində təxribat hazırlığı keçmiş terrorçular hərbi qulluqçuların aviabazada və onun xaricində yerdəyişməsinə hər gün durbinlə nəzarət edərək obyektin xəritəsinini hazırlayıblarmış.

Onlar terror aktı törətməyə cəhd göstərməkdə, silah hazırlamaqda və saxlamaqda, cinayətkar qrup yaratmaqda ittiham olunurlar.