Qlobal istiləşmə aclıq çəkənlərin sayının artması ilə nəticələnə bilər
Bakı, 4 noyabr, AZƏRTAC
Hazırda 795 milyon insan aclıqdan əziyyət çəkir. İqlim dəyişikliyi 2080-ci ildə daha 600 milyon insanın aclıqdan əziyyət çəkməsinə gətirib çıxara bilər.
AZƏRTAC ecoportal.ru saytına istinadla xəbər verir ki, bu barədə qida məsələləri üzrə xüsusi məruzəçi Хilyal Elver xəbərdarlıq edib.
Ekspert vurğulayıb ki, qlobal istiləşmə, quraqlıq və daşqınlar ərzaq təminatına ciddi təsir göstərir. Yüzilliyin sonunadək havanın orta temperaturunun 2-4° Selsi proqnozlaşdırılan artımı kənd təsərrüfatı istehsalı üçün ciddi təhlükədir.
“Son zamanlar belə bir fikir yaranıb ki, kənd təsərrüfatında sənaye üsullarının genişləndirilməsi yolu ilə bəşəriyyət özünü dolandıra bilər. Bu yanaşma doğru deyil”, - deyə Хilyal Elver əlavə edib.
Bölmənin digər xəbərləri
