Qobustan və Şamaxı rayonlarında məhkəmə qərarları əsasında müsadirə olunmuş narkotik vasitələr məhv edilib
Bakı, 30 iyun, AZƏRTAC
Qobustan və Şamaxı rayonlarında barəsində məhvetmə qərarı qəbul edilmiş ümumilikdə 22 məhkəmə hökmü üzrə narkotik vasitələrin, psixotrop maddələrin və onların prekursorlarının yandırılma yolu ilə məhv edilməsi həyata keçirilib.
Bu barədə AZƏRTAC-a Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupundan məlumat verilib.
Bildirilib ki, proses İşçi Qrupu və qanunsuz dövriyyədən çıxarılmış və ya müsadirə edilmiş az və xeyli miqdarda olan narkotik vasitələrin, psixotrop maddələrin və onların prekursorlarının məhv edilməsi üzrə Qobustan və Şamaxı rayon komissiyaları tərəfindən aparılıb.
Məhvetmə prosesi İşçi Qrupunun əməkdaşının iştirakı ilə həyata keçirilib və videoçəkilişi aparılaraq müvafiq məlumat daşıyıcısı ilə birlikdə aktlara əlavə edilib.
Bölmənin digər xəbərləri
