Qol vurmaq şanslarını ən yaxşı realizə edən futbolçuların adları açıqlanıb
Bakı, 1 dekabr, AZƏRTAC
Beynəlxalq İdman Tədqiqatları Mərkəzi hücumda daha fəal hərəkət edən oyunçuların reytinqini tərtib edib. Sıralama çempionatda 90 dəqiqəyə vurulan qolların sayının qol vurma əmsalına vurulması yolla hesablanan indeks əsasında aparılıb.
AZƏRTAC xəbər verir ki, nəticə baş tutmuş oyunların idman səviyyəsindən asılı olaraq korrektə edilib. Cari mövsümdə eyni komandanın tərkibində çempionatda ən azı 720 dəqiqə oynayan oyunçular nəzərə alınıb.
Müəyyən olunub ki, qol vurmaq şansını ən yaxşı istifadə edən Qarri Keyndir. “Bavariya”nın forvardı 90 dəqiqə ərzində 37 faiz realizə ilə 1,57 qol vurur. İkinci yerdə “Feyenord”un hücumçusu Santyaqo Himenes (1,4 qol, 33 faiz) yer alıb. İlk üçlüyə Madridin “Real” klubunun yarımmüdafiəçisi Cud Bellinqem (0,98 qol, 37 faiz) yekun vurur.
Bölmənin digər xəbərləri
