QOLODOMOR QURBANLARINA VAŞİNQTONDA ABİDƏ QOYULACAQ

14.10.2006 [22:59]
Çap et
A⁺ A^-

AZƏRTAC Ukrinforma istinadla xəbər verir ki, Ukraynada Qolodomor qurbanlarına ABŞ paytaxtında xatirə abidəsi ucaldılacaqdır. ABŞ Prezidenti Corc Buş ötən əsrin 30-cu illərinin əvvəllərində dəhşətli aclıqdan həlak olmuş milyonlarla ukraynalının xatirəsini əbədiləşdirmək haqqında müvafiq qanun imzalamışdır.

Sənəddə deyilir ki, insanların aclıqdan kütləvi surətdə qırılması təbii səbəblərin deyil, qərəzli niyyətin nəticəsi idi, İosif Stalin və onun ətrafındakılar ukraynalılara qarşı soyqırımı aktı törətmişlər.

Bundan əvvəl Ukrayna Prezidenti Viktor Yuşşenko Xarici İşlər Nazirliyinə bir vəzifə olaraq tapşırmışdır ki, beynəlxalq birliyin 1932-1933-cü illərin Qolodomorunu Ukrayna xalqına qarşı soyqırımı və bəşəriyyət tarixində ən böyük faciələrdən biri kimi tanıması istiqamətində görülən işləri gücləndirsin. XİN-ə xarici dövlətlərdə Qolodomor haqqında abidələr ucaldılmasının və xatirə nişanları qoyulmasının mümkünlüyünü öyrənmək də tapşırılmışdır.

QOLODOMOR QURBANLARINA VAŞİNQTONDA ABİDƏ QOYULACAQ

MÜƏLLİFLƏ ƏLAQƏ

Bölmənin digər xəbərləri