Qrojan öz karyerasını Formula E çempion komandasında davam etdirə bilər
Bakı, 23 iyul, AZƏRTAC
“Haas” komandasının pilotu Romen Qrojanın sönük çıxışı, habelə onun tərəfdaşı Kevin Maqnussenlə bu yaxınlarda düşdüyü qəza fransız idmançının Amerika komandasından çıxarılacağı barədə şayiələrin yayılmasına səbəb olub.
AZƏRTAC xəbər verir ki, müxtəlif mənbələr pilotun məhz bu mövsümün gedişində komandadan çıxarılacağı, bəziləri isə bunun çempionatın sonunda baş verəcəyini iddia edirlər. Qrojanın yerinə namizədlərin sırasında isə Esteban Okonun, Amerika komandasının sınaqçı pilotu Pyetro Fittipaldinin və “Racing Point” komandasının hazırkı pilotu Serxio Peresin adları çəkilir.
Qrojanın özünə gəldikdə isə, AutoBild saytının məlumatına görə, pilot öz karyerasını Formula E yarışlarının çempion komandasında davam etdirə bilər. O, DS Techeetah komandasının tərkibində öz həmvətəni, ikiqat dünya çempionu Jan-Erik Vernlə birlikdə çıxış edəcək. Bundan əvvəl alman pilot Andre Lotterer bu komandanı tərk edib.
Bölmənin digər xəbərləri
