QUBANIN QIRMIZI QƏSƏBƏSİNDƏKİ 1 NÖMRƏLİ MƏKTƏBƏSASLI TƏMİRDƏN SONRA İSTİFADƏYƏ VERİLMİŞDİR
Mərasimdə Milli Məclisin deputatları Siyavuş Novruzov, Vahid Əhmədov, Yevda Abramov, Quba Rayon İcra Hakimiyyətinin başçısı Ərziman Əliyev, İsrailin ölkəmizdəki səfiri Artur Lenk və “Bakinski raboçi” qəzetinin baş redaktoru Ağabəy Əsgərov, Dağ Yəhudiləri Ümumdünya Konqresinin vitse-prezidenti Matvey Yelizarov, Azərbaycan Dağ Yəhudiləri İcmasının sədri Semyon İxiilov iştirak etmişlər.
Məktəb 1903-1974-cü illərdə Qırmızı qəsəbədə yaşamış, 1938-1957-ci illərdə “Bakinski raboçi” qəzetinin müxbiri olmuş, 43 il əvvəl kənd sovetinin sədri işləyərkən bu təhsil ocağının bünövrəsini qoymuş İsaak Abramoviç Xanukovun nəvəsi, Moskvada yaşayan iş adamı Sergey Xanukovun vəsaiti hesabına təmir edilmişdir. Nazirlər Kabinetinin 5 oktyabr 2006-cı il tarixli müvafiq qərarı ilə beynəlmiləl məktəbə İsaak Xanukovun adı verilmişdir.
Artur Lenk müxbirimizə demişdir ki, belə tədbirlərin keçirilməsinə Azərbaycan Prezidenti İlham Əliyevin respublikada yaratdığı şərait imkan verir. Diplomat, Sergey Xanukovun bütün Quba ərazisində xeyirxah işlər görəcəyinə əmin olduğunu bildirmişdir.
Bölmənin digər xəbərləri
