Qulu Kərimov: Salyan rayonunda 46 min hektar əkin sahəsi su ilə təmin olunur
Salyan, 3 iyun, AZƏRTAC
Ötən il əsaslı təmir olunmuş 2 üzən aqreqatlı Kürkənd nasos stansiyası Salyan rayonunun 3 kəndinin 2840 hektar əkin sahəsinə xidmət göstərir.
AZƏRTAC xəbər verir ki, bunu “Meliorasiya və Su Təsərrüfatı” ASC-nin Suvarma sistemlərinin istismarı şöbəsinin müdir müavini Qulu Kərimov Salyan və Neftçala rayonlarına təşkil olunmuş mediaturda bildirib.
O əlavə edib ki, 1982-ci ildən fəaliyyət göstərən Kürkənd nasos stansiyasının uzunluğu 16,2 km, məhsuldarlığı 3,2 m3/san-dir. Onun sözlərinə görə, hazırda Salyan rayonunda 46 min hektar əkin sahəsi su ilə təmin olunur. 15 min hektar taxıl sahəsinin birinci və ikinci suvarma vegetasiyası başa çatıb. 10 min hektar pambıq sahəsinə su verilib.
Bölmənin digər xəbərləri
