‘RABİTƏ’ VOLEYBOL KOMANDASI AZƏRBAYCAN KUBOKUNUN SAHİBİDİR
Kişi voleybol komandaları arasında Azərbaycan kuboku uğrunda turnir başa çatmışdır. İyunun 26-da başlanan turnirdə 7 komanda iştirak edirdi. İyunun 29-da Milli Olimpiya Komitəsinin idman kompleksində final oyunları keçirilmişdir. Beşinci yer uğrunda mübarizədə Şəki komandası Cəlilabad voleybolçularına 3:0 hesabı ilə qalib gəlmişdir. Saatlı komandası naxçıvanlıları 3:1 hesabı ilə məğlub edərək, üçüncü yerə çıxmışdır. “Azərneft” və “Rabitə” komandaları birinci yer uğrunda mübarizə aparmışlar. “Rabitə” komandası 3:1 hesabı ilə qalib gələrək, ölkə kubokuna sahib olmuşdur. Yarışlar başa çatdıqdan sonra birinci üç yeri tutan komandalara mükafatlar və Gənclər, İdman və Turizm Nazirliyinin diplomları təqdim edilmişdir.
Bölmənin digər xəbərləri
