Ravvin Zamir İsayev: Azərbaycanlı yəhudilər ölkənin sərvətlərinin talanmasına qarşıdır
Şuşa, 18 yanvar, Ceyhun Alışlı, AZƏRTAC
Hazırda Laçın-Xankəndi yolunun Şuşa ərazisindən keçən hissəsindəyik. Buraya gəlməkdə məqsədimiz Qarabağda Azərbaycanın sərvətlərinin talan edilməsinə etiraz olaraq təşkil edilən bu aksiyanı və ekofəalları dəstəkləməkdir. Azərbaycan yəhudiləri daim dövlətimizin yanındadır.
AZƏRTAC xəbər verir ki, bu sözləri jurnalistlərə açıqlamasında Bakı Yəhudi Məktəbinin direktoru, Azərbaycan-Gürcü Yəhudi İcmasının sədri ravvin Zamir İsayev deyib
O qeyd edib ki, digər vətəndaşlarımız kimi, azərbaycanlı yəhudilər də ölkənin sərvətlərinin talanmasına qarşıdır. Qeyd etmək istəyirəm ki, dayandığımız bu yoldan Rusiya sülhməramlılarına məxsus humanitar və təminat avtomobillərinin sərbəst hərəkətinə heç bir maneə yoxdur. “Yəhudi icmasının üzvü kimi bunu buradan bütün dünyaya bəyan edirəm. Əminəm ki, biz məqsədimizə nail olacağıq. Çünki bu torpaqlar Azərbaycan torpağıdır, sərvətlər Azərbaycanın sərvətidir. Heç kim bu torpaqlardakı sərvətləri istismar edə bilməz. Ermənistan mətbuatında bu yolun blokadası ilə bağlı yayılan məlumatlar həqiqəti əks etdirmir. Bu gün buradan 10-dan çox avtomobilin sərbəst keçidinə şərait yaradılıb. Ekofəallar buradan Azərbaycanın haqq səsini dünyaya çatdırırlar”, - deyə Z.İsayev söyləyib.
Bölmənin digər xəbərləri
