“Real Madrid” klubunun baş məşqçisinin istefası təsdiqləndi
Bakı, 30 oktyabr, AZƏRTAC
“Real Madrid” futbol klubunun rəhbərliyi baş məşqçi Xulen Lopeteqi ilə müqaviləyə vaxtından əvvəl xitam verib.
AZƏRTAC xəbər verir ki, bu barədə klubun rəsmi saytı məlumat yayıb.
Bildirilir ki, qərara səbəb Madrid klubunun nəticələrinin qənaətbəxş olmamasıdır. Baş məşqçinin vəzifəsini müvəqqəti olaraq “Kastilya” klubunun məşqçisi Santyaqo Solari icra edəcək.
Xatırladaq ki, “Real Madrid” futbol klubu oktyabrın 28-də “Barselona” ilə keçirilən “El Klasiko” matçında 1:5 hesabı ilə məğlub olub. Komanda keçirdiyi son 7 oyundan 5-də məğlub olub və 10 turdan sonra ölkə çempionatında 9-cu yerdə qərarlaşıb.
Bölmənin digər xəbərləri
