REKLAMDA İNGİLİS SÖZLƏRİNDƏN İSTİFADƏYƏ GÖRƏ CƏRİMƏ KƏSİLƏCƏK
AZƏRTAC BERNAMA agentliyinə istinadla xəbər verir ki, Malayziyada reklamda ingilis sözlərindən istifadə edənlər cərimələnəcəklər. Ölkənin mədəniyyət naziri demişdir: “Qloballaşma dövründə dövlət dili kimi milli sərvətin qarşısıalınmaz transformasiyaların və gərəksiz dəyişikliklərin qurbanı olmaması üçün həmin prosesi diqqətlə izləmək lazımdır. Bu məqsədlə malay dilinin zibillənməsinin və başqa dillərlə qarışmasının qarşısını almaq üçün ciddi tədbirlər görmüşük. Dilin saflığını ilk dəfə pozan şəxs yalnız xəbərdarlıq alacaq, təkrar pozuntu halına görə isə təxminən 270 dollar cərimələnəcək və bir daha belə hallara yol verərsə, bu məbləğ artırılacaqdır”.
