Respublika çaylarında sel və daşqınlara qarşı sahilbərkitmə işləri aparılmışdır
Bakı, 7 iyun (AZƏRTAC). Qrunt sularının səviyyəsinin aşağı salınması və torpaqların meliorativ vəziyyətinin yaxşılaşdırılması ilə əlaqədar Biləsuvar, Yevlax, Ağcabədi, Ağdam, Beyləqan, Bərdə, Tərtər və Şəmkir rayonlarında 124 min 659,2 paqonmetr uzunluğunda kollektor-drenaj şəbəkələrinin tikintisi, yenidən qurulması və bərpası işləri aparılmışdır.
AZƏRTAC xəbər verir ki, bu barədə “Su təsərrüfatı və meliorasiya işçiləri günü” peşə bayramı ilə əlaqədar keçirilən elmi-praktiki konfransda “Azərbaycan Meliorasiya və Su Təsərrüfatı” Açıq Səhmdar Cəmiyyətində (ASC) sədri Əhməd Əhmədzadə məlumat vermişdir.
Nəzərə çatdırılmışdır ki, respublika çaylarında sel və daşqınlara qarşı 11 min 771 paqonmetr uzunluğunda sahilbərkitmə işləri aparılmışdır.
Bundan əlavə, Türyançay çayı məcrasında 4 min 195 paqonmetr uzunluğunda məcratəmizləmə işi görülmüşdür. Araz çayında isə sahilbərkitmə işlərinin aparılması üçün daş üzlüklü mühafizə dambasının layihə-smeta sənədləri hazırlanmış və tikinti işlərinə başlanılmışdır.
Bölmənin digər xəbərləri
