Respublika Qadınlar Cəmiyyətində Xocalı faciəsi qurbanlarının xatirəsi anılmışdır
Bakı, 23 fevral (AZƏRTAC). Respublika Qadınlar Cəmiyyətində Xocalı faciəsi qurbanlarının xatirəsinə həsr edilmiş anma mərasimi keçirilmişdir.
AZƏRTAC xəbər verir ki, cəmiyyətin sədri Bahar Qasımova Xocalı faciəsinin çağdaş dünyada və Azərbaycan tarixində silinməz izlər qoyduğunu bildirmişdir. O, bu faciəni unudulması mümkün olmayan, xalqı mübarizəyə səsləyən hadisə kimi səciyyələndirmişdir.
Çıxış edənlər XX əsrin ən qanlı qətliamının-Xocalı soyqırımı qurbanlarının qanlarının yerdə qalmayacağını, artıq dünya ictimaiyyətinin bu faciəni soyqırımı kimi qəbul etməyə başladığını söyləmişlər.
Bildirilmişdir ki, hər bir azərbaycanlı Xocalı faciəsini soyqırımı faktı kimi dünya ictimaiyyətinə çatdırılması üçün çalışmalı, ölkəmizin ərazi bütövlüyünü bərpa etməyə hər zaman hazır olmalıdır.
Bölmənin digər xəbərləri
