Respublikanın çaylarında və transsərhəd çaylarda mövcud vəziyyət müəyyənləşib
Nazirlikdən AZƏRTAC-a bildirdilər ki, Kür çayının Qıraqkəsəmən məntəqəsində suyun səviyyəsində 3 santimetr artım müşahidə olunub. Hazırda məntəqədə su sərfi 100 m3/s olmaqla ongünlük normanın 82 faizini təşkil edir.
Qanıx çayının Əyriçay məntəqəsində suyun səviyyəsində əsasən mühüm dəyişiklik müşahidə olunmayıb. Hazırda məntəqədə su sərfi 3.21 m3/s olmaqla, ongünlük normanın 5 faizini təşkil edir. Kür çayının aşağı axınında hazırkı vəziyyət
Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Surra məntəqəsində 6, Şirvanda 3 santimetr azalma, Bankədə 13 santimetr artım qeydə alınıb, Salyanda və Araz çayının Novruzlu məntəqəsində isə heç bir dəyişiklik müşahidə olunmayıb.
Hazırda Surra məntəqəsində suyun səviyyəsi 295, Şirvanda 142, Salyanda 100, Bankədə 197, Araz çayının Novruzlu məntəqəsində isə 25 santimetr təşkil edir.
Bölmənin digər xəbərləri
