ROMA PAPASI XVI BENEDİKT OLİMPİYA ALOVUNA XEYİR-DUA VERDİ

08.12.2005 [22:13]
Çap et
A⁺ A^-

AZƏRTAC Turin qış Olimpiadasının rəsmi saytına istinadla xəbər verir ki, İtaliya Prezidenti Karlo Adzelyo Çampi Olimpiyadan (Yunanıstan) gətirilmiş alovdan olimpiya məşəlini yandırmışdır. Bununla da o, bütün İtaliyadan keçəcək olimpiya məşəli estafetinə start vermişdir. Məşəlin il daşıyıcısı 2004-cü il Afina Oyunlarının marafon yürüşü üzrə çempionu Stefano Baldini olmuşdur.

Vatikanda təntənəli mərasim zamanı Roma Papası XVI Benedikt olimpiya məşəlinə xeyir-dua vermişdir. O, olimpiya barışığı barədə çağırışla dünya birliyinə müraciət etmişdir.

Roma Papası demişdir: “Mən Turində keçiriləcək qış Oyunlarının məşəlinə xeyir-dua verməkdən qürur duyuram. Qoy bu məşəl ümumbəşəri dəyərləri – Olimpiya hərəkatının təməli olan qardaşlıq və sülhü hamıya xatırlatsın”.

Dekabrın 8-də axşam məşəl Kapitoli təpəsinə gətirilmiş və burada Romanın meri Valter Veltroni İtaliya paytaxtında axırıncı dəfə 1960-cı ildə Olimpiya oyunları zamanı şölə saçmış alovu bu məşəldən yandırmışdır.

Olimpiya məşəli estafetində 10 min adam 11 min 300 kilometr məsafə qət edəcəkdir.

ROMA PAPASI XVI BENEDİKT OLİMPİYA ALOVUNA XEYİR-DUA VERDİ

MÜƏLLİFLƏ ƏLAQƏ

Bölmənin digər xəbərləri