Rumıniyada koronavirusa yoluxma ilə bağlı əhəmiyyətli artım qeydə alınıb
Bakı, 17 iyul, AZƏRTAC
Milli İctimai Səhiyyə İnstitutu (INSP) Rumıniyada COVID-19-a yoluxma ilə bağlı həyəcanverici artım olduğunu bildirib. İyulun 8-dən 14-dək 1256 yeni yoluxma halı qeydə alınıb ki, bu da əvvəlki həftə ilə müqayisədə 82,3 faiz çoxdur.
AZƏRTAC Rumıniyanın “Adevărul” nəşrinə istinadla xəbər verir ki, yeni yoluxma hallarının ümumi sayından 419-u ilk yoluxmadan 90 gündən çox vaxt keçdikdən sonra müsbət test nəticəsi alan təkrar yoluxmuş xəstələrdir.
Eyni dövr ərzində SARS-CoV-2-nin səbəb olduğu beş ölüm halı qeydə alınıb. Ölən xəstələrin hamısında müşayiət olunan xəstəliklər olub, onlardan üçü COVID-19-a qarşı peyvənd olunub.
Son məlumatlara görə, Rumıniyada COVID-19-dan ölüm hallarının ümumi sayı 68 962, yoluxma hallarının ümumi sayı isə 3 534 314 nəfər təşkil edib.
Bölmənin digər xəbərləri
