Rumıniyadan alınan elektrik enerjisi Moldovaya 4 dəfə baha başa gəlir
Bakı, 17 iyul, AZƏRTAC
Moldovanın “Energocom” şirkəti Rumıniyada enerji satınalmalarının rekord qiymətə başa gəldiyini elan edib və vətəndaşlardan elektrik enerjisindən daha səmərəli istifadə etmələrini xahiş edib.
AZƏRTAC Moldovanın “point.md” xəbər portalına istinadla xəbər verir ki, son bir neçə gün ərzində davam edən kəskin yüksək temperatur səbəbindən Moldova Respublikasında elektrik enerjisinə tələbat artıb. Beləliklə, “Energocom” tərəfindən Rumıniyanın “OPCOM” Enerji Birjasından satın alınan elektrik enerjisinin qiyməti dörd dəfə artıb. Daha doğrusu, bu rəqəm təxminən 1 MVt üçün 200 avrodan 800 avroya yüksəlib.
Enerji tələbatı xüsusilə pik saatlarda, saat 20:00-dan 21:00-a qədər və gecə otaqları sərinlətmək üçün kondisionerlər işə salındıqda çoxalır.
Bölmənin digər xəbərləri
