RUSİYA ÖZ ƏMTƏƏ İSTEHSALÇILARINI SƏRT İNZİBATİ TƏDBİRLƏRLƏ MÜDAFİƏ EDƏCƏK

06.10.2006 [20:38]
Çap et
A⁺ A^-

AZƏRTAC-ın xüsusi müxbiri xəbər verir ki, Rusiya Prezidenti Vladimir Putin pərakəndə və topdansatış bazarlarında qayda-qanun yaradılması və orada əcnəbilərin işləməsinin tənzimlənməsi üçün təcili tədbirlər görülməsini RF hökumətindən tələb etmişdir. V.Putin bununla əlaqədar zəruri qərarlar qəbul etmək, o cümlədən həm bazar, həm də ticarət iştirakçılarının miqrasiya qaydalarını pozmalarına görə icra hakimiyyətlərinin məsuliyyətini artırmaq barədə göstəriş vermişdir. RF Prezidenti ölkə qanunvericiliyini pozan əcnəbi vətəndaşlar barəsində viza rejiminin sərtləşdirilməsinin vacibliyini də vurğulamışdır. O, Federasiya subyektlərinə Rusiya əmtəə istehsalçılarının və yerli əhalinin mənafeyi baxımından topdansatış bazarlarında ticarətin təkmilləşdirilməsi sahəsində əlavə tədbirlər görməyi tapşırmışdır.

V.Putin ölkədə öncül milli layihələrin və demoqrafiq problemlərin müzakirəsinə həsr olunmuş iclasda Rusiyada bu sahədə yaranmış vəziyyəti kəskin tənqid etmişdir. O demişdir ki, bazarlarda özbaşınalıqdır, onları yarımkriminal qruplaşmaların himayədarlığı ilə vasitəçilər idarə edirlər ki, bu da yerli idarəetmə və hüquq mühafizə orqanlarının korrupsiyaya qurşanması nəticəsində mümkün olmuşdur. Prezident demişdir: “Diqqətinizə çatdırmaq istəyirəm ki, son vaxtlar rastlaşdığımız təzahürlərlə bağlı bir çox problemi məhz burada axtarmaq lazımdır. Biz Kondopoqa, Moskva və digər regionlardakı faciəli hadisələrin üstündən sükutla keçə bilmərik. Bu, ilk növbədə, dövlətin və regional hakimiyyət orqanlarının həmin fəaliyyət sahəsini indiyədək tənzimləyə bilməməsinin nəticəsidir”.

RUSİYA ÖZ ƏMTƏƏ İSTEHSALÇILARINI SƏRT İNZİBATİ TƏDBİRLƏRLƏ MÜDAFİƏ EDƏCƏK

MÜƏLLİFLƏ ƏLAQƏ

Bölmənin digər xəbərləri