RUSİYANIN GÖZ HƏKİMLƏRİ LƏNKƏRANDA VƏTƏNDAŞLARA XİDMƏT GÖSTƏRMİŞLƏR

05.10.2006 [22:43]
Çap et
A⁺ A^-

AZƏRTAC xəbər verir ki, akademik Zərifə Əliyeva adına Respublika Elmi Tədqiqat Göz Xəstəlikləri İnstitutunun dəvəti ilə Azərbaycana gəlmiş Moskva Tibb İnstitutunun professorları Aleksey Yeqorov və Dmitri Kats ölkəmizdə katarakta və qlaukoma xəstəliklərinin müayinə və müalicəsini aparırlar.

Rusiyalı həkimlər institutun Lənkəran şəhərinə ezam olunmuş səyyar klinikasında ən müasir lazer aparatları vasitəsi ilə cənub bölgəsinin göz xəstəliklərindən əziyyət çəkən vətəndaşlarına xidmət göstərmişlər. Səyyar klinikada 536 xəstə müayinədən keçmiş, bəzilərinə müəyyən müalicə üsulları tətbiq olunmuş, 30 nəfərin gözündə cərrahiyyə əməliyyatı aparılmışdır.

Mütəxəssislər müayinə və müalicə işini oktyabrın 7-dək institutda davam etdirəcəklər.