Saatlı sakininin həyətindən 112 ədəd çətənə kolu aşkarlanıb
Saatlı, 16 iyun, Aydın Yavərzadə, AZƏRTAC
Saatlı Rayon Polis Şöbəsinin əməkdaşları tərəfindən keçirilən “Xaş-xaş 2023” şərti adlı kompleks əməliyyat-axtarış tədbirləri çərçivəsində narkotik tərkibli bitkilərin kultivasiyası ilə məşğul olan şəxs saxlanılıb.
Daxili İşlər Nazirliyi mətbuat xidmətinin Şirvan regional qrupundan AZƏRTAC-ın bölgə müxbirinə verilən məlumata görə, RPŞ-nin əməkdaşları tərəfindən keçirilən əməliyyat tədbirləri nəticəsində narkotik tərkibli çətənə bitkiləri yetişdirməkdə şübhəli bilinən rayon sakini Nurəli Astanov saxlanılıb. Onun yaşadığı ünvana keçirilən baxış zamanı həyətyanı sahədən xüsusi aqrotexniki qaydada qulluq edilərək yetişdirilən 112 ədəd çətənə bitkisi və təmiz çəkisi 3 kiloqram 890 qram olan marixuana aşkarlanaraq götürülüb. Faktla bağlı Saatlı RPŞ-də cinayət işi açılıb, araşdırmalar aparılır.
Bölmənin digər xəbərləri
