Sabahdan etibarən havanın yağmursuz olacağı gözlənilir
Bakı, 17 avqust, AZƏRTAC
Ölkə ərazisində yağıntılı hava şəraiti avqustun 18-nə kimi davam edəcək. Avqustun 18-dən etibarən hava şəraitinin mülayimləşəcəyi, yağmursuz keçəcəyi ehtimalı var.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova məlumat verib.
G.Məmmədova, həmçinin qeyd edib ki, sabahdan etibarən havanın hərarəti nisbətən artsa da, hələ ki, ciddi dəyişiklik gözlənilmir. Havanın temperaturu Bakıda və Abşeron yarımadasında 30-35° isti təşkil edəcək.
Bölmənin digər xəbərləri
