“Sabah”ın legioneri ölkə çempionatında 100-cü oyununu keçirib
Bakı, 7 aprel, AZƏRTAC
Boyan Letiç Misli Premyer Liqasında 100-cü oyununu keçirib.
AZƏRTAC Peşəkar Futbol Liqasının rəsmi saytına istinadən xəbər verir ki, “Sabah”ın legioneri bu matçlara yalnız bir klubda çıxıb.
Paytaxt təmsilçisi ilə 100 görüşə çıxan 32 yaşlı serbiyalı müdafiəçinin yubileyi XXIX tura təsadüf edib. Boyan “Kəpəz”lə ev qarşılaşmasına start heyətində çıxıb.
Letiç bu matçlarda 4 qola imza atıb. Onun debütü 2021/2022-ci illər mövsümündə gerçəkləşib. Letiç 2022-ci il fevralın 27-də “Neftçi” ilə ev qarşılaşmasında (0:1) debüt edib.
Qeyd edək ki, müdafiəçinin yubiley oyununda komandası 0:1 hesabı ilə uduzub.
Bölmənin digər xəbərləri
