Şabranda nömrəsiz avtomobildə fıstıqcinsli meşə materialı aşkarlanıb
Bakı, 27 iyul, AZƏRTAC
Meşələrdə ağacların qanunsuz kəsilməsi və daşınması hallarının qarşısının tam alınması məqsədilə Ekologiya və Təbii Sərvətlər Nazirliyinin əməkdaşları regionlarda reydləri davam etdirirlər.
Departamentdən AZƏRTAC-a verilən məlumata görə, reyd zamanı Şabran Regional Meşə Təsərrüfatı Mərkəzinin əməkdaşları tərəfindən Şabran rayonunun Dənizkənarı meşəbəyliyinin 8 saylı dolayında “ZİL-131” markalı dövlət nömrə nişanı olmayan avtomobil saxlanılıb. Avtomobilin yük yerində qanunsuz yolla əldə edilmiş 4,5 kubmetr həcmində yaş fıstıqcinsli meşə materialı aşkarlanıb.
Faktla bağlı avtomobilin sahibi Xalid Abidov barəsində akt tərtib olunub və ona meşə fonduna dəyən 1883 manat məbləğində ziyana görə cərimə tətbiq edilib.
Bölmənin digər xəbərləri
