Şahmat üzrə dünya çempionu Din Lijen Bakıda dünya kuboku yarışlarında iştirak etməyəcək
Bakı, 14 iyun, AZƏRTAC
Şahmat üzrə 17-ci dünya çempionu çinli qrosmeyster Din Lijen iyulun 30-dan avqustun 24-dək Bakıda keçiriləcək dünya kuboku yarışlarında iştirak etməyəcək. Turnirə, həmçinin qrosmeysterlər Hikaru Nakamura (ABŞ), Alireza Firuzca (Fransa), Vişvanatan Anand (Hindistan) və Rixard Rapport (Macarıstan) da qatılmayacaqlar.
AZƏRTAC “Chess.com” saytına istinadla xəbər verir ki, FIDE-nin reytinqində dördüncü yer tutan rusiyalı şahmatçı Yan Nepomnyaşşiy və 16-cı dünya çempionu, Norveç şahmatçısı, dünya reytinqinin lideri Maqnus Karlsen bundan əvvəl turnirdə öz iştiraklarını təsdiqləyiblər.
Daha bir rusiyalı, turnirə FIDE-dən fərdi dəvət alan Sergey Karyakin Bakıya səfərdən imtina edib. Şahmatçı yarışlarda iştirak etməməsinin səbəbini Rusiya bayrağı və himni olmadan çıxışı arzulamadığı ilə izah edib.
Bölmənin digər xəbərləri
